breyting á ýmsum lögum vegna fjárlaga 2027 Frú forseti. Ég þakka hv. þm. Sigurði Erni Hilmarssyni fyrir spurninguna. Þetta er sennilega ein erfiðasta spurningin því að ég skil ekki alveg þessa vegferð ríkisstjórnarinnar. Þetta er einhvern veginn — að setja þetta út þannig að það er strax farið að hafa neikvæð áhrif, þetta hefur áhrif á verðbólguvæntingarnar. Ég veit ekki hvort þetta var leikrit frá upphafi eða hvort þetta voru svona eftiráskýringar en svona er þetta alltaf. Það er eitt sagt en annað gert. Ríkisstjórnin segist vera í góðu samtali við verkalýðshreyfinguna en verkalýðshreyfingin kannast ekki við það. Ég óttast að þó að þau geri eitthvað í þessu — hvað þá? Þau munu ekki fara í aðhald til að vega upp á móti krónutöluhækkununum. Ætlum við að hækka skattana frekar? Þannig að ég veit ekki alveg hver hugsunin er.