breyting á ýmsum lögum vegna fjárlaga 2027 Herra forseti. Ég þakka hv. þingmanni svarið og mig langaði bara rétt hérna í seinna andsvari að spyrja hv. þingmann, þó að hann hafi ekki komið sérstaklega inn á hvern lið, um það að nú vitum við að gjöld eru að hækka heilt yfir um 5,2% en svo eru sum gjöld að hækka miklu meira. Þar inni er einn skattur sem vakti sérstaka athygli mína og það er ETS-skatturinn, loftslagsskatturinn umræddi, sem er að hækka um 9%. Ég veit ekki hvort þetta er það sama en ég taldi að ríkisstjórnin væri að segja okkur það að hún væri að reyna að berjast fyrir því að afnema hann og fá undanþágur hvað þetta varðar. En nei, hún er að lögfesta hann að einhverjum hluta og festa inni 9%, enn meiri hækkun á þessum loftslagsskatti sem hefur áhrif á allt flug, öll matar- og vöruinnkaup til landsins. Veit hv. þingmaður eitthvað um þetta? Það er smá ósanngjarnt af mér að spyrja hann þegar hann er ekki í stjórnarmeirihluta, en mér brá svolítið að sjá þetta.