breyting á ýmsum lögum vegna fjárlaga 2027 Frú forseti. Ég vil þakka hv. þm. Sigurjóni Þórðarsyni fyrir ágætis seinna andsvar og í raun hrósa honum líka fyrir hans baráttu, hvað hún er einlæg og mikill eldmóður í henni. Ég hefði haldið að nú þegar hv. þm. Sigurjón Þórðarson er kominn við ríkisstjórnarborðið, hefur völdin eftir áralanga bið, að hann gæti gert eitthvað í þeim málum sem hann er að nefna. Þetta er allt að koma. Hann nefnir ufsann ekki ufsagrýlu heldur ufsa. Ég bara hvet hv. þingmann til að fara með þetta inn í ríkisstjórnina því þar gerist þetta allt saman. Þegar menn eru með meiri hluta, komast að kjötkötlunum, þá hvet ég menn bara til að gera það sem þeir geta og reyna að ná árangri fyrir það sem þeir standa fyrir. Annað væri ekki gott.