sveitarstjórnarlög Virðulegi forseti. Varðandi fjölda sveitarstjórnarfulltrúa í landinu: Ég held að það séu 455 sveitarstjórnarfulltrúar í öllu landinu. Á höfuðborgarsvæðinu minnir mig að þeir séu 76. Við erum með 63 þingmenn. Vitnað var í Norðurlöndin. Á Norðurlöndunum eru 130 þingmenn í Noregi, þeir eru 15 sinnum fleiri. Við erum með 63 þingmenn. Í Svíþjóð held ég að þeir séu 349. Við getum alltaf farið í samanburð og þá munum við alltaf vinna. Ég tel að stóra vandamálið sé ekki að það séu 23 borgarfulltrúar. Ég held frekar að það ætti að stuðla að sameiningu sveitarfélaganna á höfuðborgarsvæðinu og líka víðar um land. Ég myndi vilja sjá sveitarfélög á milli 10 og 20 í landinu. Það myndi efla byggð um allt land, líka á landsbyggðinni, svo að það liggi algjörlega fyrir.