sveitarstjórnarlög Virðulegur forseti. Ég þakka hv. þingmanni fyrir andsvarið og spurninguna. Varðandi fjárhagslega matið þá er það fyrst og fremst hugsað til að undirbúa sveitarfélögin til að geta tekið við verkefnum, varðandi verkaskiptingu ríkis og sveitarfélaga, það er hugsað út frá því, fjárhagslega matið lýtur að því, fyrst og fremst. Einnig má rifja upp þá 3 milljarða sem ríkið ákvað að verja í þjónustu gagnvart börnum með þriðja stigs fjölþættan vanda og ríkisstjórnin er að setja 800 milljónir til viðbótar í þennan málaflokk. Ef í ljós kemur að lagasetning hefur mikil áhrif á fjárhag sveitarfélaga er ljóst að það þarf að fara fram samtal milli ríkis og sveitarfélaga um tekjustofna sveitarfélaga á víðtækari grunni, þ.e. skoða þetta víðtækar og það lýtur ekki að — við höfum verið að flytja verkefni til sveitarfélaganna og það er bara spurningin: Hafa sveitarfélögin burði til að reka og fara með málefni fatlaðs fólks, barnavernd? Í lögum um barnavernd er 6.000 manna íbúalágmark. Við erum ekki með lágmarksfjölda íbúa þar, 6.000. Sama er líka málefni fatlaðs fólks. Þar grúppa sveitarfélögin sig saman þannig að það verður að horfa líka til á breiðum grundvelli, bæði getu sveitarfélaganna og líka það varðandi tekjustofna sveitarfélaga sem er þá sérstakt samstarfsverkefni milli ríkis og sveitarfélaga á víðtækari grunni. Ég tel ekki að ég þurfi að hafa þetta lengra að þessu sinni.