staðfesting ríkisreiknings 2025 Frú forseti. Ég þakka hæstv. ráðherra, fyrir því að þetta skiptir ekki eingöngu máli gagnvart einhverjum einstökum framkvæmdum heldur einnig hvernig við metum hversu vel tekst til við framkvæmd þeirra fjárlaga sem við erum að samþykkja ár hvert á Alþingi. Það er eitt að ákveða fjármuni til fjárfestinga í fjárlögum en það er annað að koma þeim í framkvæmd og líkt og hæstv. ráðherra segir hér hefur verið erfitt að koma þessu til framkvæmda, m.a. vegna kærumála. En mig langar að spyrja hæstv. ráðherra: Telur hann ástæðu í ljósi þessarar þróunar, sem hann fór líka ágætlega yfir í sínu máli hér, og tilefni til að skoða þetta eitthvað frekar aftur í tímann og sjá hvort það séu einhver tengsl þarna á milli og hvort vandinn liggi líka hjá m.a. Framkvæmdasýslunni?