staðfesting ríkisreiknings 2025 Forseti. Ég þakka hv. þm. Ingibjörgu Isaksen fyrir aðra ljómandi góða spurningu og ég tel fulla ástæðu til þess og hef raunar lagt mikla áherslu á þetta mál. Þess er að vænta að fjármálaráðuneytið leggi fram frumvarp á þessu þingi um heildarendurskoðun á fjárfestingum hins opinbera. Það er víða pottur brotinn en þó kannski sérstaklega í áætlanagerðinni sjálfri sem hefur ekki verið eins vönduð á Íslandi og víða í nágrannalöndunum. Við samningu þessa frumvarps, sem verður auðvitað lagt fram og við hv. þingmaður munum geta rætt ítarlega þegar þar að kemur, hefur verið mjög horft til reynslu Norðmanna sem gerðu nokkra bragarbót einmitt í þessu efni fyrir u.þ.b. 20 árum síðan og það er hægt að byggja á þeirri reynslu.