menningarminjar Frú forseti. Ég vil byrja á því að þakka hæstv. ráðherra fyrir framsöguna og jafnframt þakka fyrir að þetta mál sé hér fram komið. Ég held að þetta sé mikilvægt einföldunarmál og mikilvægt að við höldum áfram að reyna að einfalda löggjöf eins og við getum. En mig langar bara aðeins til að forvitnast hjá hæstv. ráðherra, af því við erum komin fram með þetta frumvarp, hvort við hefðum ekki í rauninni átt að nýta ferðina og athuga hvort það væri ekki fleira í þessum lögum sem við einmitt ættum að taka til hendinni með til einföldunar.