útlendingar Virðulegi forseti. Eins og hv. þingmaður veit breytist auðvitað ekkert fyrr en Alþingi hefur samþykkt það og þess vegna er þetta frumvarp hér lagt fram um þessa breyttu skipan. Rökin, og það var kannski ónákvæmt orðalag hjá mér, voru hins vegar þau að í stefnuyfirlýsingu og við mótun þessarar ríkisstjórnar var um það rætt að reyna að hafa, og þá í nafni einföldunar, sem fæsta málaflokka dreifða á víð og dreif í Stjórnarráðinu. Það hefur verið farið í það að færa ákveðna málaflokka sem tengjast útlendingamálum úr félagsmálaráðuneytinu og yfir í dómsmálaráðuneytið og þetta er einfaldlega einn angi þess. En ekkert breytist auðvitað fyrr en þetta frumvarp hefur verið samþykkt og að uppfylltu því skilyrði að Alþingi taki þátt í því að breyta þessu. En þetta eru forsendurnar að baki frumvarpinu.