útlendingar Frú forseti. Ég þakka hv. þm. Árna Helgasyni fyrir fyrirspurnina. Eftir því sem mér skilst, eða samkvæmt síðustu tölum sem ég hef undir höndum, hafa frá upphafi innrásarinnar rúmlega 6.000 einstaklingar fengið tímabundna vernd á Íslandi. Þegar við berum þetta saman við heildarfjölda fólks á Íslandi sjáum við að Ísland hefur sannarlega gert sitt til að leggja eitthvað af mörkum. Umsögnum hefur undanfarið fækkað dálítið, það hefur verið niðurtröppun í fjölda þeirra, en úkraínskir ríkisborgarar eru sem stendur langsamlega stærsti hópur umsækjenda á Íslandi. Almennt séð, og ég sé að tíminn er lítill, myndi ég segja að ég sé boðin og búin að leggja fram frekari gögn inn í allsherjarnefnd og tölur um þennan hóp. Stóra sagan er hins vegar þessi: Þessum hópi hefur vegnað býsna vel hvað varðar virka þátttöku í samfélaginu og ekki síst þegar maður ber hann saman við aðra hópa sem hingað koma til lands en ég er ekki með nákvæmar tölur í þeim efnum.