útlendingar Frú forseti. Ég vil fá að hvetja hæstv. ráðherra til dáða hvað þetta varðar því að þetta er orðinn stór hópur og í mörgum tilvikum búinn að vera hér lengi, að það verði e.t.v. farið í að vinna gögn og úttektir um hvernig fólki hefur gengið hér og gengið að fóta sig. Það er auðvitað partur af frumvarpinu líka að horfa aðeins til framtíðar og beina þessum hópi í það að sækja um dvalarleyfi hér, e.t.v. á grundvelli atvinnu, náms eða annarra þátta, þannig að þetta skiptir miklu máli. Það er eitt að taka við fólki í neyð en það er líka mikil ábyrgð að taka þannig á móti því að við sinnum okkar skyldum vel og gerum fólki kleift að aðlagast þjóðfélaginu. Ég held að það sé góð hugmynd hjá hæstv. ráðherra, eins og hún nefndi, að fá kannski inn í nefndina, þótt ég sitji ekki í henni, gögn og kannski eitthvað aðeins meira niðurbrot hvað þetta varðar. Ég held að það væri gagnlegt.