framkvæmdaáætlun í málefnum innflytjenda fyrir árin 2026--2029 Virðulegi forseti. Okkur gefst nú bara ein mínúta í þessum stuttu andsvörum til að velta fyrir okkur ýmsum hliðum þessa máls. Þetta er auðvitað mjög víðtæk áætlun og margt sem maður gerir ákveðnar athugasemdir við, hvernig nálgunin er. Vonandi gefst færi á því að fara betur yfir það í ræðu hér á eftir. Meðal þess sem vakti athygli mína var það sjónarmið að innflytjendur yrðu hvattir til þátttöku í lýðræðislegum kosningum og fræddir um lýðræðislegt skipulag og stjórnarhætti hér á landi. Þetta er auðvitað mjög flókin spurning sem flest vestræn ríki standa frammi fyrir um þátttöku útlendinga í lýðræðislegum kosningum. Á einhverjum tímapunkti geta ýmsir hafa fengið ríkisborgararétt og í sveitarstjórnarkosningum eru menn farnir að fá kosningarrétt, að ég held, eftir fimm ára búsetu hér á Íslandi. Er það formlegt markmið íslenskra stjórnvalda, eins og hæstv. ráðherra skilur það, að innflytjendur taki í auknum mæli þátt í lýðræðislegum kosningum?