framkvæmdaáætlun í málefnum innflytjenda fyrir árin 2026--2029 Virðulegur forseti. Ég þakka hv. þingmanni fyrir síðari spurninguna. Nú þegar er hægt að sækja námskeið á netinu. Aðgerðaáætlunin leggur gríðarlega mikla áherslu á íslenskukennslu og að hún verði aðgengileg um land allt. Það er nú markmiðið með áætluninni að tryggja að svo verði. Við leggjum mjög mikla áherslu á það og setti ég í það aukið fjármagn vegna þess að það hefur sýnt sig, tölur um atvinnuleysi og hlutfall innflytjenda þar sýna að það er mjög hátt og hefur verið mjög hátt síðustu ár. Staða aðfluttra á vinnumarkaði hefur einmitt verið erfiðari vegna dræmrar íslenskukunnáttu og við stefnum á að gera mikið átak þar og bragarbót á því.