aðkoma ráðherra að afsögn mennta- og barnamálaráðherra Frú forseti. Ég bara gef lítið fyrir allar þessar stríðsyfirlýsingar hv. þingmanns. Hann tekur hreinlega þennan póst algerlega úr samhengi, eins og honum einum er lagið. Ég segi bara einfaldlega: Ég sá ekki þennan póst, ég sé hann bara í fjölmiðlum í morgun. Þetta eru persónuleg skilaboð aðstoðarmanns við þáverandi hæstv. ráðherra sem tekur í rauninni þann pól í hæðina að birta hann opinberlega. Persónuleg skilaboð. Ráðherra er með orðið. Eins og ég sé það er aðstoðarmaður ráðherra að aðstoða hann eftir bestu getu. Það eina sem við vorum að leggja allt okkar afl í var að taka utan um hv. þm. Guðmund Inga Kristinsson þannig að hann myndi stíga frá þessu embætti með reisn. Mér sýnist í rauninni staðan vera orðin eitthvað einkennileg, svo ekki sé meira sagt.