arðgreiðslustefna Landsvirkjunar Frú forseti. Ég þakka hæstv. ráðherra svarið. Auðvitað hlýtur að vekja undrun að stjórn klári ákvörðun sem gengur lengra í arðgreiðslum en tillaga sem sama stjórn samþykkir sama daginn. En það segir hér, með leyfi forseta, í arðgreiðslustefnunni: „Arðgreiðslustefna Landsvirkjunar er sett af stjórn fyrirtækisins að fenginni tillögu frá forstjóra.“ Mig langar að spyrja hæstv. ráðherra út í setningu sem er sérstök í 4. gr., þar sem segir, þegar búið er að útskýra með hvaða hætti þetta skuli reiknað: „Stjórn getur vikið frá stefnunni ef hún metur aðstæður með þeim hætti.“ Mig langar að spyrja hæstv. ráðherra hvort hann viti til þess að sú setning hafi verið inni í þeirri tillögu sem forstjóri gerði til stjórnar fyrirtækisins um þessar reglur þegar sú vinna var í gangi.