húsaleigulög Virðulegi forseti. Ég þakka hv. þingmanni fyrir spurninguna. Einfalda svarið er nei. Þessi breyting felur í sér réttarvernd sem er líkari því sem við þekkjum t.d. á Norðurlöndunum. Það er alveg rétt sem hv. þingmaður segir, að það eru auðvitað dæmi þess að miklar hömlur og verðstýring á leigumarkaði, þegar gengið er of langt í þeim efnum, hafi vissulega haft áhrif á framboð en ég tel það algerlega útilokað að breyting sem þessi geri það, þetta er einfalt sanngirnismál, lágmarksréttarvernd til þeirra sem eru á leigumarkaði og hafa þurft að þola nánast stjórnlausar hækkanir umfram vísitölu síðustu ár og áratugi.