húsaleigulög Frú forseti. Ég vil byrja á því að þakka hæstv. ráðherra fyrir að leggja fram þetta frumvarp hérna í dag. Þetta skiptir gríðarlega miklu máli fyrir leigumarkaðinn, að ég tel, til þess að ná betri tökum á honum. Við erum auðvitað búin að gera nokkrar breytingar á húsaleigulögum sem skipta verulegu máli, varðandi skráningarskylduna, bindinguna til að byrja með, og núna erum við að taka þetta skref sem ég tel að sé mjög mikilvægt. Eitt sem mig langaði að fá fram hjá hæstv. ráðherra er varðandi áhrif á leiguverð. Þetta getur dempað leiguverðið til lengri tíma litið, sem ég tel að sé mikilvægt. Síðan langar mig aðeins að spyrja út í kærunefnd húsamála og hvort það væri tilefni til þess að efla stuðning við kærunefndina líka.