húsaleigulög Virðulegi forseti. Ég þakka hv. þingmanni fyrir spurninguna. Hugmyndin að þessari leigubremsu er ekki ný af nálinni. Hún hefur verið sem tillögur í tveimur mjög viðamiklum samráðshópum um aðgerðir á húsnæðismarkaði, starfshópum fyrri ríkisstjórna, og eru þessar tillögur svo sem ekkert nýjar af nálinni. Við gerð og útfærslu frumvarpsins var haft víðtækt samráð við bæði fjármálaráðuneytið og Húsnæðis-, mannvirkja- og skipulagsstofnun, sem er undirstofnun okkar ráðuneytis í húsnæðismálum, sömuleiðis aðila vinnumarkaðarins eða verkalýðshreyfinguna sem innlegg í endurskoðun kjarasamninga, sömuleiðis samtök eins og Leigjendasamtökin. En ég og hv. þingmaður deilum auðvitað áhuga á húsnæðismarkaði og orlofshúsum stéttarfélaga ásamt fleiru en kannski á mismunandi hátt.