húsaleigulög Herra forseti. Ég vil byrja á að þakka hæstv. ráðherra Ragnari Þór Ingólfssyni fyrir framsögu sína og fyrir að leggja þetta mál fram. Ég tel þetta mál mjög mikilvægt til að tryggja stöðugleika og réttarvernd leigjenda, sérstaklega á almennum leigumarkaði. Við verðum auðvitað að horfast í augu við það sem stjórnmálamenn að ekki allir eiga sitt eigið húsnæði og það er mjög mikilvægt að við gerum það sem við getum til að tryggja réttarvernd þeirra sem eru á almennum leigumarkaði. Mig langaði að spyrja hæstv. ráðherra sérstaklega, af því að það kom fram í framsögu hans, varðandi misnotkun eða það að óhagnaðardrifin félög hafi nýtt sér undanþágur eins og hafa verið t.d. fyrir námsmannaíbúðir. Ég er kannski á svipuðum slóðum og hv. þm. Sigurður Örn Hilmarsson varðandi þetta. Ef hæstv. ráðherra gæti fjallað aðeins um þessa undanþágu og í hvaða tilvikum það hefur verið sem þetta hefur komið verr út fyrir þá sem eru á leigumarkaði hjá óhagnaðardrifnum félögum og kannski sérstaklega hjá námsmönnum.