Evrópska efnahagssvæðið Frú forseti. Ég þakka hæstv. ráðherra fyrir framsöguna, hina endurteknu. Ég vil í fyrra andsvari mínu spyrja tveggja spurninga. Í fyrsta lagi: Lítur hæstv. ráðherra svo á að hægt sé að innleiða bókun 35 með þeim hætti sem hún leggur hér til án þess að gera breytingar á stjórnarskrá Íslands? Í öðru lagi vil ég spyrja hæstv. ráðherra: Hver af þeim rökum sem sett voru fram í svörum utanríkisráðherra fyrrverandi árið 2020, frá apríl 2020 til september 2020 — ég veit að hæstv. ráðherra þekkir þessi skrif vel — hvaða rök af þessum hafa úrelst síðan þau voru sett fram árið 2020?