Evrópska efnahagssvæðið Virðulegi forseti. Þegar verið er að tala um Norðmenn þá er iðulega verið að segja, sérstaklega um bókunina hérna heima, að við munum missa einhvern hluta af fullveldinu. Við munum ekki gera það, ekki frekar en Norðmenn hafa misst nokkuð af sínu fullveldi. Þeir hafa ekki gert það og þótt þeir séu með aukið ákvæði í sinni stjórnarskrá þá sýnir það sig að þeir hafi ekki misst þetta fullveldi. Við eigum að geta gert þetta sjálf. Af hverju eigum við að vera að fara með þetta fyrir dómstóla, sem munu ekqki bara einblína á það sem Hæstiréttur Íslands á að hafa lögsögu um, hvort ákvæði fari gegn stjórnarskrá eða ekki? Við munum fara yfir það hvernig við erum að uppfylla EES-samninginn. Við eigum að gera þetta sjálf, mér finnst meiri manndómur í því að við getum gert þetta á okkar forsendum hér heima. Öðruvísi mér áður brá. Ég er bara að fara einhverjar sex eða átta vikur til baka. Eigum við ekki að gera þetta sjálf? Eigum við ekki að samþykkja íslensk lög? Við gerðum það. Eigum við ekki að gera það? Ég er að biðja um að við gerum það hér, af því að á endanum snýst þetta um íslensk lög, um grunninn, um íslensk lög. Hvaða íslensku lög sem við höfum samþykkt hér eiga að hafa forgang hverju sinni. Þetta snýst ekki um neitt annað. Heyr, heyr.