Evrópska efnahagssvæðið Virðulegur forseti. Ég er sammála hæstv. utanríkisráðherra um að það væri rétt að gefa okkur svolítinn tíma í umræðu um efnahagsmál og gera það núna kannski í staðinn fyrir að vera eyða hérna öllum deginum í þetta mál. Kannski er það gáfulegt. Það breytir því ekki að ríkisstjórnin er enn, nærri tveimur árum eftir að hún tók við völdum, uppfull af því að kenna einhverri fortíð um. Sjálfur settist ég í ríkisstjórn 2013 eftir erfiðasta tímann í hreinsuninni á efnahagshruninu og ég gagnrýndi margt á þeim tíma í meðförum þeirrar ríkisstjórnar en ég viðurkenndi að hún tók erfiðar ákvarðanir og gerði alls konar hluti. Ég held hún hafi hins vegar tapað heilu ári vegna þess að hún var upptekin af því að breyta stjórnarskránni, kollvarpa fiskveiðistjórnarkerfinu og alls konar hlutum sem enginn var að biðja um. ESB. — Og ESB, ég var bara búinn að gleyma því. Staðan er hins vegar þessi: Núverandi ríkisstjórn hefur tapað einu ári og ég hef áhyggjur af því að annað geti tapast. En eftir stendur spurningin: Ef bókun 35 er svona mikilvæg í huga ríkisstjórnarinnar, af hverju var hún ekki kláruð í janúar, febrúar, mars árið 2026?