Evrópska efnahagssvæðið Frú forseti. Þetta var áhugaverð ræða hjá hv. þingmanni. Það er greinilegt að það er eitt og annað sem situr í þegar kemur að Evrópusambandinu og m.a. virðist hv. þingmaður telja að þessi bókun opni hér á hælisleitendur í auknum mæli, ef ég gat skilið ræðuna rétt. Það ber að nefna það í þessu samhengi að innan Evrópusambandsins hafa þjóðirnar ákveðna, hvað á að segja, stjórn á þessu. Ef við tökum t.d. Pólverja og hælisleitendur þar og berum saman við hælisleitendur sem streyma til Ítalíu eða Grikklands þá er einhver munur þar á, það er ekki hægt að tala um þetta sem eitt. En svona almennt séð, eftir að hafa hlýtt á ræðuna, þá langar mig að spyrja hv. þingmann hvort hann sé á móti samningnum um Evrópska efnahagssvæðið, hvort hann vilji taka hann út af borðinu bara og leggja hann af.