Evrópska efnahagssvæðið Virðulegi forseti. Ég var að spyrja hv. þingmann spurninga og fékk engin svör. Ég spurði hv. þingmann og ég hvet hann, ef hann skilur ekki muninn á EES og ESB, til að hlusta á ræðu hv. þm. Dagbjartar Hákonardóttur í dag sem fór bara prýðilega yfir það. En ég ætla ekki að reyna lengur að fá svar um sinnaskipti Samfylkingarinnar og af hverju hún varð EES-flokkur. Ég ætla að spyrja hv. þingmann vegna þess að hv. þingmaður er, eins og aðrir Samfylkingarmenn, orðinn núna mikill EES-sinni sem ég fagna — ég vona að það hangi eitthvað — og það er mikilvægt að halda utan um samninginn. Af hverju er Samfylkingin fullkomlega róleg yfir því að Evrópusambandið sé búið að brjóta EES-samninginn? Það setur á okkur verndartolla, brýtur fjórfrelsið. Af hverju eru hv. þingmenn — og nú verðið þið að venja ykkur á að vera aftur EES — svona rólegir yfir því þegar Evrópusambandið brýtur grunnprinsippin með hætti sem aldrei hefur sést áður með því að setja verndartolla á íslenskar iðnvörur?