Evrópska efnahagssvæðið Virðulegur forseti. Ég þakka hv. þingmanni fyrir hans seinna andsvar. Ég þekki mætavel muninn á Evrópusambandinu og Evrópska efnahagssvæðinu og hvað fellur þar undir. Ég ítreka hversu mikilvægt það er að vera með aðgang að þessum stóra markaði fyrir okkur sem samfélag og varðandi þau mál sem við erum að taka inn og njóta góðs af með þessu samkomulagi, erum vissulega ekki að fullu hluti af Evrópusambandinu. Varðandi stöðuna sem kom upp varðandi kísilmálm er maður auðvitað ekkert sáttur við þá stöðu sem kom upp á þeim tíma en hagsmunagæsla þessarar ríkisstjórnar var með þeim hætti að hún beitti sér af fullum krafti til að verja okkar stöðu og það er auðvitað það sem við þurfum að gera á hverjum tíma. Við þurfum að verja stöðu okkar en við þurfum líka að standa við skuldbindingar okkar og það er nákvæmlega það sem við erum að gera hér í þessu máli, hvort sem fólki líkar það betur eða verr.