Evrópska efnahagssvæðið Virðulegur forseti. Ég þakka hv. þingmanni fyrir seinna andsvarið. Það er nákvæmlega það sem er verið að gera, nákvæmlega það sem er verið að gera hér í þingsal með umræðu um bókun 35; að tryggja og treysta þennan samning vegna þess að EES-samningurinn skiptir samfélagið gríðarlega miklu máli og ég tel mikilvægt að það sé enginn vafi á því hvernig ákvæði samningsins gilda. Varðandi réttindi og skyldur, af því að nú er minn bakgrunnur úr þeim heimi þar sem hefur verið samið um kaup og kjör, þá fylgja því alltaf ákveðin réttindi, að vera með samning við aðila, en því fylgja iðulega líka skyldur. Það er yfirleitt ekki bara eitthvað gott sem þú færð út úr þessu. Það eru ákveðnar skyldur sem geta komið á móti líka, sem eru vissulega góðar og skyldurnar hvíla á ríkinu sem oftast eru til þess að bæta stöðu fólks. Ég get fullyrt það. En þetta er auðvitað mikilvægt og í sumar fengum við fram vilja þjóðarinnar. Það er mikilvægt að þora að spyrja spurninga og þora að fá niðurstöðu. Þetta skiptir gríðarlega miklu máli fyrir samfélagið.