samkomulag þingflokksformanna við þinglok Virðulegur forseti. Ég ætla að fá að taka undir með hv. þm. Ólafi Adolfssyni og lýsa vonbrigðum mínum, miklum vonbrigðum mínum með að það samkomulag sem þingflokksformenn gerðu hér í apríl varðandi skel- og rækjubætur og breytingarnar á 5,3%-pottinum hafi ekki verið virt. Ég velti fyrir mér ástæðunni. Ég velti því líka fyrir mér, virðulegur forseti, eins og hv. þm. Ólafur Adolfsson kom svo vel inn á áðan, að í störfum okkar þingflokksformanna skiptir gríðarlegu máli að það sé traust og trúnaður og að við getum treyst því að það samkomulag sem við skrifum undir sé virt. Það er dapurlegt og sorglegt að upplifa það að það sé ekki gert í þessu máli og það mun örugglega gera þá vinnu sem er fram undan í þinginu hjá okkur þingflokksformönnum miklu mun erfiðari en hún þarf að vera.