samkomulag þingflokksformanna við þinglok Frú forseti. Mig langar að taka undir orð kollega minna í stjórnarandstöðunni. Það er náttúrlega fullkomlega óþolandi þegar gert er samkomulag að það skuli ekki halda. Ætla menn þá bara að standa frammi fyrir því að það sé ekki hægt að gera hér samkomulag til framtíðar? Ef það er skrifað undir samkomulag þá ætlast ég til þess að það haldi. Að öðrum kosti er ekki hægt að semja um nokkurn skapaðan hlut við þann meiri hluta sem er í þinginu. Það er hreinlegast að hæstv. innviðaráðherra, sem setur þessa reglugerð, dragi hana til baka. Það er það eina í stöðunni fyrir hæstv. ráðherra.