samkomulag þingflokksformanna við þinglok Virðulegur forseti. Þetta snýst ekki um það hvort atvinnuveganefnd muni fjalla um málið eða ekki. Þetta hefur akkúrat ekkert að gera með það hvort atvinnuveganefnd Alþingis fjallar um málið eða ekki. Nú? Nei, þetta fjallar nefnilega um að standa við gefin orð og samninga og skuldbindingar, skriflega í þessu tilfelli. Um það snýst málið, hv. þm. Sigurjón Þórðarson, hvort við stöndum við þá samninga sem við gerum okkar í milli hér í þessu húsi. Það er miður, eins og ég sagði hér áðan, að verða vitni að því að það er verið að brjóta samning. Það var algerlega kýrskýrt og ljóst í hugum okkar allra sem skrifuðum undir þennan samning og vorum í þessu samtali, sem var ekki hv. þm. Sigurjón Þórðarson, um hvað við vorum að semja. Það var algjörlega ljóst. Og þó að það geti vel verið að það sé upplifun þingmannsins Flokks fólksins að það hafi verið einhvern veginn öðruvísi þá skal ég leiðrétti það hér og nú: Það var alls ekki þannig.