samkomulag þingflokksformanna við þinglok Virðulegur forseti. Ég kem bara hingað upp til að þakka hv. þm. Sigurjóni Þórðarsyni fyrir að koma hér upp í ræðustól og viðurkenna það þó að ráðherrann hefði, eins og hann orðaði það, með leyfi forseta, mögulega átt að hafa samráð um setningu þessarar reglugerðar. Ég geri reyndar athugasemdir við að hann telji að hann hafi mögulegt átt að gera það. Hann átti hreinlega að gera það í ljósi samkomulags sem hér var sett undir lok síðasta þings eða á síðasta þingi, um samráð vegna þessara mála. En það er gott að það sé hér kominn a.m.k. einn þingmaður ríkisstjórnarflokkanna sem viðurkennir það að ráðherra hefði mögulega átt að hafa þetta samráð. Ráðherrar verða að hafa það í huga að þeir eru ekkert eyland hér með sín mál á þinginu. Það er samið, alvanalegt. Það er samið um framgang mála og það átti við í þessu máli og hæstv. innviðaráðherra átti að hafa samráð um framgang þessarar reglugerðar eða þessa þess máls sem reglugerðin kveður á um.