fyrirhuguð sameining lögregluembætta Virðulegur forseti. Það kom svo sem ekki á óvart að hæstv. dómsmálaráðherra svaraði í engu þeirri fyrirspurn sem beint var til hennar. En gott og vel, ég átti svo sem ekkert endilega von á því. Já, það er hægt að standa vörð um starfsstöðvarnar og já, það er gott og blessað ef á ekki að fækka lögreglumönnum. Það eru allir sammála um það og það markmið. Áhyggjurnar snúast ekki að því, virðulegur forseti. Áhyggjurnar snúast að því að þeim lögreglumönnum sem nú eru starfandi, svo ég taki bara mitt gamla umdæmi, á Blönduósi, Hvammstanga og Sauðárkróki, muni fækka; að rannsóknardeildirnar verði meira og minna færðar inn á stærri staðina og þjónusta verði þar af leiðandi skert við íbúa á svæðinu og öryggisstigið muni lækka. Því er spurningin þessi: Telur ráðherrann að hún geti sett lágmarksfjölda lögreglumanna á ákveðnum stað inn í lögin? Annars verður þetta þróunin.