fyrirhuguð sameining lögregluembætta Forseti. Markmiðið er að auka sérhæfinguna í byggðum landsins. Markmiðið er að staðsetja þar landsbundin verkefni. Markmiðin eru að færa fleiri stoðverkefni út í byggðirnar. Þingmaðurinn spyr: Hvað er hægt að gera í lagasetningu? Ég held að sá ráðherra sem hér stendur hafi sýnt það ágætlega. Hvað var gert með frumvarpið um sýslumenn? Við merktum það sérstaklega inn að 65% starfa ættu að vera í byggðunum þannig að það er allt hægt á landsbyggðinni. Sem getur verið hvar sem er. Landsbyggðin er jafnan á landsbyggðinni. Við merktum það inn að 65% starfa ættu að vera þar en nú er búið að eiga sér stað samtal við lögregluna í landinu öllu. Það var settur upp hópur sem smíðaði þessar tillögur sem í sátu formaður Landssambands lögreglumanna, formaður lögreglustjórafélagsins, ríkislögreglustjóri og fulltrúar ráðuneytisins. Nú er þetta mál á leiðinni inn í samráðsgátt. Svo kemur það fyrir þingið. Ég hlakka til umræðunnar og ég hef sömu markmið og sama metnað fyrir hönd lögreglunnar í landinu öllu og hv. þingmaður og það veit hann ósköp vel.