Forseti (Guðrún Helgadóttir):
Borist hefur svofellt bréf frá forseta Nd.:
,,Hjörleifur Guttormsson, 2. þm. Austurl., hefur ritað mér á þessa leið:
,,Þar sem ég er á förum til útlanda í opinberum erindum og get því ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess að vegna forfalla 1. varamanns taki 2. varamaður Alþb. í Austurlandskjördæmi, Björn Grétar Sveinsson, formaður verkalýðsfélagsins Jökuls, sæti á Alþingi í fjarveru minni.``
Þetta er yður hér með tilkynnt, hæstv. forseti, með ósk um að fram fari í Sþ. rannsókn á kjörbréfi varamanns.
Þessu bréfi fylgir kjörbréf Björns Grétars Sveinssonar.
Með þessu fylgir annað bréf sem hljóðar svo:
,,Sökum sérstakra anna get ég undirrituð ekki tekið sæti á Alþingi að sinni sem varamaður Hjörleifs Guttormssonar.
Samkvæmt þessu bréfi og með vísan í 4. gr. þingskapa ber hv. kjörbréfanefnd nú að prófa kjörbréf Björns Grétars Sveinssonar og verður gert hlé á fundinum í fimm mínútur meðan kjörbréfanefnd starfar. --- [Fundarhlé.]
