Guðmundur H. Garðarsson:
Virðulegi forseti. Það var út af síðustu orðum hv. 4. þm. Vesturl. Skúla Alexanderssonar sem ég bað um orðið. Ég er honum ekki sammála í afstöðu hans til 4. gr. þessa lagafrv. Ég lýsi því hér með yfir að ég styð eindregið 4. gr. eins og hún er fram sett í frv. Ég tel það bæði virðingarvert og mjög til fyrirmyndar að til skuli vera íslenskir menn, íslenskir aðilar, sem leita fyrir sér á erlendum fiskimiðum til þess að skapa auð og verðmæti fyrir íslenska þjóð. Það er hér um það að ræða í sambandi við þetta mál að Íslenska úthafsútgerðarfélagið hf. hyggst kaupa eða leigja meiri háttar fiskiskip eða réttara sagt verksmiðjuskip til þess að vinna afla úti fyrir ströndum Alaska í Norður-Ameríku. Þetta hefur áður verið reynt eins og fram kom í ræðu hæstv. samgrh. en tókst ekki sem skyldi en nú eru komnir nýir aðilar til skjalanna sem eru að reyna að hefja þetta verk að nýju með það í huga auðvitað að framleiða vörur sem væntanlega verða þá seldar í Bandaríkjunum eða Vestur-Evrópu eða Japan þar sem markaðir kunna að vera fyrir þær.
Ég vil þess vegna, virðulegi forseti, undirstrika það að hið háa Alþingi á ekki að gera slíkum mönnum erfiðara fyrir heldur er það skylda okkar þingmanna, eins og fram kom í ræðu hæstv. samgrh., að auðvelda Íslendingum það að takast á við ný verkefni, m.a. þeirrar tegundar sem fram kemur í frv. Ég vil þess vegna, virðulegi forseti, lýsa yfir stuðningi við frv. og alveg sérstaklega 4. gr. þess.
Virðulegi forseti. Það var út af síðustu orðum hv. 4. þm. Vesturl. Skúla Alexanderssonar sem ég bað um orðið. Ég er honum ekki sammála í afstöðu hans til 4. gr. þessa lagafrv. Ég lýsi því hér með yfir að ég styð eindregið 4. gr. eins og hún er fram sett í frv. Ég tel það bæði virðingarvert og mjög til fyrirmyndar að til skuli vera íslenskir menn, íslenskir aðilar, sem leita fyrir sér á erlendum fiskimiðum til þess að skapa auð og verðmæti fyrir íslenska þjóð. Það er hér um það að ræða í sambandi við þetta mál að Íslenska úthafsútgerðarfélagið hf. hyggst kaupa eða leigja meiri háttar fiskiskip eða réttara sagt verksmiðjuskip til þess að vinna afla úti fyrir ströndum Alaska í Norður-Ameríku. Þetta hefur áður verið reynt eins og fram kom í ræðu hæstv. samgrh. en tókst ekki sem skyldi en nú eru komnir nýir aðilar til skjalanna sem eru að reyna að hefja þetta verk að nýju með það í huga auðvitað að framleiða vörur sem væntanlega verða þá seldar í Bandaríkjunum eða Vestur-Evrópu eða Japan þar sem markaðir kunna að vera fyrir þær.
Ég vil þess vegna, virðulegi forseti, undirstrika það að hið háa Alþingi á ekki að gera slíkum mönnum erfiðara fyrir heldur er það skylda okkar þingmanna, eins og fram kom í ræðu hæstv. samgrh., að auðvelda Íslendingum það að takast á við ný verkefni, m.a. þeirrar tegundar sem fram kemur í frv. Ég vil þess vegna, virðulegi forseti, lýsa yfir stuðningi við frv. og alveg sérstaklega 4. gr. þess.