Ferill 260. máls. Aðrar útgáfur af skjalinu: Word Perfect.
1988–89. – 1058 ár frá stofnun Alþingis.
111. löggjafarþing. – 260 . mál.
Sþ.
475. Fyrirspurn
til menntamálaráðherra um barnaefni í fjölmiðlum árið 1988.
Frá Þórhildi Þorleifsdóttur.
1. Hve stórt hlutfall af heildarútsendingum
. a. Ríkisútvarps–sjónvarps,
. b. Ríkisútvarps–hljóðvarps,
var barnaefni og hve mikið talið í mínútum árið 1988?
2. Hve mikill hluti barnaefnis
. a. Ríkisútvarps–sjónvarps,
. b. Ríkisútvarps–hljóðvarps,
var íslenskt?
3. Hvað var miklu fé varið til innlendrar dagskrárgerðar
. a. Ríkisútvarps–sjónvarps í heild,
. b. Ríkisútvarps–hljóðvarps í heild,
. c. Ríkisútvarps–sjónvarps fyrir börn,
. d. Ríkisútvarps–hljóðvarps fyrir börn?
4. Hve margir störfuðu að innlendri dagskrárgerð
. a. Ríkisútvarps–sjónvarps,
. b. Ríkisútvarps–hljóðvarps,
. c. Ríkisútvarps–sjónvarps fyrir börn,
. d. Ríkisútvarps–hljóðvarps fyrir börn?
5. Hve miklu fé var varið til kaupa á erlendu sjónvarpsefni
. a. í heild,
. b. fyrir börn?
6. Hversu stór hluti erlends barnaefnis í sjónvarpi var með íslensku tali og hve mikið með íslenskum rittexta?
7. Hverjir voru helstu flokkar barnaefnis (þ.e. tónlist, leikið efni, lestur, teiknimyndir o.s.frv.) í
. a. Ríkisútvarpi–sjónvarpi,
. b. Ríkisútvarpi–hljóðvarpi?
Hlutfall stærstu flokkanna óskast tilgreint.
Sams konar upplýsingar óskast um það efni sem sérstaklega er flokkað sem unglingaefni.
Greinargerð.
Fjölmiðlar — ekki síst sjónvarp — eru miklir áhrifavaldar í uppeldi og lífi nútímabarna. Undir þeirri ábyrgð verða þeir að rísa og vanda til verksins eins og kostur er. Barnaefni er alltof lítill gaumur gefinn og ef gera á bragarbót þar á verður að hafa haldgóðar upplýsingar að styðjast við um það fé sem er til umráða, mannahald, lengd og tegund efnis sem er fyrir börn og unglinga. Samanburður á fjölmiðlum og efni þeirra er líka nauðsynlegur. Einnig samanburður á því hvernig staðið er að gerð og kaupum á efni ætluðu fullorðnum annars vegar og börnum og unglingum hins vegar. Upplýsingar af því tagi, sem hér er beðið um, gætu orðið ríkisvaldinu góð stoð í stefnumörkun og fjárveitingum.
Skriflegt svar óskast.
