Ferill 273. máls. Aðrar útgáfur af skjalinu: Word Perfect.
1988–89. – 1058 ár frá stofnun Alþingis.
111. löggjafarþing. – 273 . mál.
Sþ.
963. Breytingartillaga
við till. til þál. um tónmenntakennslu í grunnskólum.
Frá félagsmálanefnd.
Tillgr. orðist þannig:
Alþingi ályktar að fela menntamálaráðherra að skipa nefnd til að athuga og koma með tillögur að samvinnu og samþættingu tónmenntakennslu í grunnskólum og tónlistarskólum landsins, með það fyrir augum
– að efla og auka tónmenntakennslu í grunnskólum,
– að koma á samvinnu milli grunnskóla og tónlistarskóla,
– að athuga hvernig best verði staðið að menntun kennara á þessu sviði,
– að það nám í tónlist, sem nemendur stunda utan lögboðins grunnskólanáms, geti í auknum mæli flust inn í húsnæði grunnskólanna,
– að samnýta húsnæði og kennara til að draga úr kostnaði og gera tónlistarnám aðgengilegra fyrir nemendur.
Nefndin ljúki störfum fyrir árslok 1989.