Ferill 418. máls. Aðrar útgáfur af skjalinu: Word Perfect.
1988–89. – 1058 ár frá stofnun Alþingis.
111. löggjafarþing. – 418 . mál.
Nd.
1288. Nefndarálit
um frv. til l. um breyt. á l. nr. 73 frá 28. maí 1969, um Stjórnarráð Íslands.
Frá 1. minni hl. allsherjarnefndar.
Frumvarp þetta var lagt fram samhliða 417. máli í neðri deild, frumvarpi til laga um umhverfismál, en tengist því þó aðeins með ákvæði 1. gr. Fyrsti minni hl. er eindregið þeirrar skoðunar að stofna skuli sérstakt ráðuneyti umhverfismála og telur ekkert því til fyrirstöðu að fresta þinglokum á þessu vori svo lengi sem þurfa þykir til þess að afgreiða það mál. Til þess virðist ekki nægilegur vilji meðal þingmanna þrátt fyrir mörg og fögur orð um nauðsyn þess að koma góðri skipan á umhverfismálin. Miklu betra en ekki er þá að lögfesta það frumvarp um Stjórnarráð Íslands sem hér um ræðir og er þá lögfest að sérstakt ráðuneyti fari með umhverfismál. Sex ára ákvæðið í fyrri málslið 5. gr. er til bóta en önnur atriði þessa frumvarps skipta minna máli.
Fyrsti minni hl. mælir með samþykkt frumvarpsins.
Alþingi, 19. maí 1989.
Kristín Halldórsdóttir,
fundaskr.
