Jón Kristjánsson
:
Virðulegi forseti. Við undirbúning þeirrar tillögu sem hér hefur gengið til atkvæða um hefur lögbundið samráð við sveitarfélögin verið virt að vettugi. Tillagan gengur þvert á hugmyndafræði þá sem liggur að baki verkaskiptingu ríkis og sveitarfélaga að saman fari stjórn og fjárhagsleg ábyrgð. Með þessari tillögu er skattlagningu stjórnvalda velt yfir á sveitarfélögin og íbúum þeirra mismunað. Ég segi nei.
