Frsm. efh.- og viðskn. (Matthías Bjarnason)
:
Herra forseti. Þetta frv. um staðgreiðslu opinberra gjalda, með síðari breytingum, er samhliða máli nr. 464, um yfirskattanefnd, og vísa ég í því sambandi til álits nefndarinnar. En í sambandi við frv. leggur nefndin til að gerðar verði tvær breytingar. Í síðari efnismgr. 1. gr. þess hefur fallið niður orðið ,,ekki``, sem skiptir allmiklu máli, og því orðast brtt. þannig:
,,Í stað orðanna ,,vill hlíta`` í niðurlagi síðari efnismgr. 1. gr. komi: vill ekki hlíta.``
Síðari brtt. er þess eðlis að í stað ,,júní`` komi júlí. Það er til samræmis við brtt. sem ég skýrði áðan um frv. um yfirskattanefnd.
Nefndin leggur til að frv. verði samþykkt með þeim tveimur breytingum sem liggja fyrir á þskj. 912. Undir nál. skrifa, auk mín, Halldór Ásgrímsson, Steingrímur J. Sigfússon, Sólveig Pétursdóttir, Kristín Ástgeirsdóttir, Jóhannes Geir Sigurgeirsson, Árni M. Mathiesen, Össur Skarphéðinsson og Árni R. Árnason.
