Forsætisráðherra (Davíð Oddsson)
:
Virðulegi forseti. Þessi endurskoðun er þegar hafin af hálfu fjmrn. og hæstv. fjmrh. Í annan stað hefur verið skipaður starfshópur embættismanna og sérfræðinga til þess að fara ofan í málið. Þeir eru þegar í vinnu. Ég á von á því að tillögur verði lagðar fyrir ríkisstjórn í næstu viku. Ég býst við því að meginhluti þeirra aðgerða sem vera má að gripið verði til verði þess eðlis að þær séu á valdi ríkisstjórnarinnar. Ef atbeini Alþingis þarf til að koma verður frv. þess eðlis og efnis lagt fyrir hið fyrsta og ég vænti þess að umræða um það á Alþingi eigi sér stað þá um sömu mundir. Það kann að vera að ég hafi gleymt einni spurningunni.
Ég hef tekið eftir því í fréttum að forusta Alþýðusambands Íslands hefur ákveðið að óska eftir viðræðum við ríkisstjórnina. Það kemur sér vel. Við höfum að vísu átt óformlegar viðræður við forustumenn aðila vinnumarkaðarins á undanförnum vikum, aðallega kynningarfundi, en það er ljóst að óhjákvæmilegt er að þessir aðilar komi að þessari endurskoðun og tillagnagerð.
Virðulegi forseti. Þessi endurskoðun er þegar hafin af hálfu fjmrn. og hæstv. fjmrh. Í annan stað hefur verið skipaður starfshópur embættismanna og sérfræðinga til þess að fara ofan í málið. Þeir eru þegar í vinnu. Ég á von á því að tillögur verði lagðar fyrir ríkisstjórn í næstu viku. Ég býst við því að meginhluti þeirra aðgerða sem vera má að gripið verði til verði þess eðlis að þær séu á valdi ríkisstjórnarinnar. Ef atbeini Alþingis þarf til að koma verður frv. þess eðlis og efnis lagt fyrir hið fyrsta og ég vænti þess að umræða um það á Alþingi eigi sér stað þá um sömu mundir. Það kann að vera að ég hafi gleymt einni spurningunni.
Ég hef tekið eftir því í fréttum að forusta Alþýðusambands Íslands hefur ákveðið að óska eftir viðræðum við ríkisstjórnina. Það kemur sér vel. Við höfum að vísu átt óformlegar viðræður við forustumenn aðila vinnumarkaðarins á undanförnum vikum, aðallega kynningarfundi, en það er ljóst að óhjákvæmilegt er að þessir aðilar komi að þessari endurskoðun og tillagnagerð.