Svavar Gestsson
(andsvar)
:
Virðulegi forseti. Fróðlegt verður að sjá þær tillögur og hvernig þær munu birtast. Það er einfaldlega rétt að frá sjónarmiði fjmrn. kostaði næst síðasta ræða heilbrrh. 150 millj. því að í greinargerð fjmrn. um frv. til laga um ráðstafanir í ríkisfjármálum segir svo, með leyfi forseta:
,,Að áliti fjmrn. munu umræddar 150 millj. kr. ekki sparast nema fallið verði frá bráðabirgðaákvæði því sem er að finna aftast í frv. þessu, enda var ekki gert ráð fyrir því ákvæði þegar fjárlagafrv. var samið.``
Það er augljóst mál að þessi ræðuferð kostaði um 150 millj. sem er auðvitað lítið miðað við ræðu félmrh. fyrr í dag sem kostaði 400 millj.
