Kristinn H. Gunnarsson
(um þingsköp)
:
Virðulegi forseti. Ég vil ítreka það að umræða hefur ekki bara þann tilgang að þeir tali sem eru á mælendaskrá heldur líka að þeir sem sæti eiga hér á þingi eigi þess kost að fylgjast með umræðunni og hlýða á mál manna. Ég vil hins vegar, til þess að koma til móts við sjónarmið forseta, láta það koma fram af minni hálfu að ég get fallist á að umræðan fari af stað og við munum endurmeta stöðuna um hádegisbilið í ljósi þeirra upplýsinga sem við höfum þá þannig að ég mun ræða við forseta í hádeginu um frekara framhald umræðunnar.
