Jóna Valgerður Kristjánsdóttir
:
Virðulegi forseti. Ég vil spyrja hvað það er sem rekur svo mjög á eftir þeim málum sem hér á að fara að taka fyrir núna þegar klukkan er að verða 11 að kvöldi og ekki mjög margir þingmenn í húsinu, alla vega eru þeir ekki mjög margir hér í þingsal. Hæstv. forseti mun geta gefið upplýsingar um það hversu margir þingmenn eru hér í húsinu. Ég sé ekki að þau mál sem hér liggja fyrir og virðist eiga að halda áfram með samkvæmt dagskrá séu svo áríðandi að það þurfi að ljúka þeim í kvöld. Þetta eru allt mál sem eru til 1. umr. og ef einhver markmið eru með því að taka þau fyrir, þá hlýtur að eiga að efna hér til atkvæðagreiðslu í framhaldi af því, annars mun það vera nokkuð tilgangslaust að koma þeim hér á dagskrá. En ég hef athugasemdir fram að færa við það að hér skuli vera haldið áfram að taka fyrir mál þó að svo áliðið sé kvölds.
Virðulegi forseti. Ég vil spyrja hvað það er sem rekur svo mjög á eftir þeim málum sem hér á að fara að taka fyrir núna þegar klukkan er að verða 11 að kvöldi og ekki mjög margir þingmenn í húsinu, alla vega eru þeir ekki mjög margir hér í þingsal. Hæstv. forseti mun geta gefið upplýsingar um það hversu margir þingmenn eru hér í húsinu. Ég sé ekki að þau mál sem hér liggja fyrir og virðist eiga að halda áfram með samkvæmt dagskrá séu svo áríðandi að það þurfi að ljúka þeim í kvöld. Þetta eru allt mál sem eru til 1. umr. og ef einhver markmið eru með því að taka þau fyrir, þá hlýtur að eiga að efna hér til atkvæðagreiðslu í framhaldi af því, annars mun það vera nokkuð tilgangslaust að koma þeim hér á dagskrá. En ég hef athugasemdir fram að færa við það að hér skuli vera haldið áfram að taka fyrir mál þó að svo áliðið sé kvölds.