Svavar Gestsson
:
Virðulegur forseti. Ég tel að þessi umræða um gæslu þingskapa hafi verið mjög gagnleg og hafi leitt í ljós að það er bersýnilega meiri hluti á Alþingi fyrir því að þessi sérstöku mál verði tekin til rannsóknar í fjárln. og e.t.v. fleiri nefndum þingsins eftir atvikum. Að vísu tók ég eftir því að einn af talsmönnum Sjálfstfl. í fjárln., hv. 3. þm. Suðurl., talaði um þessi mál með nokkrum öðrum hætti. En ég segi ekki að það þurfi að breyta svo miklu þó Sjálfstfl. sé þversum í þessu máli. Hann er að vísu stjórnarflokkur en ef nýr meiri hluti myndast í fjárln. til að rannsaka mál af þessu tagi þá hefur það sinn gang. Þar og annars staðar hljóta menn að ákveða núna á næstu dögum að halda þeim málum áfram. Ég tel að svör hv. 5. þm. Austurl. hér áðan hafi eftir atvikum verið alveg skýr í þessu efni. Mér er það auðvitað ljóst að hv. þm. Alþfl. eru í þessum málum í mjög þröngri og erfiðri stöðu. Þeir hafa kosið að leita að þessari útleið í þessu efni, m.a. í framhaldi af tilboðum Jóns Baldvins Hannibalssonar, hæstv. utanrrh., í gær þannig að það er ljóst að þó að æðstu prestarnir í hinum helgu véum hafi kveðið upp dóm hér áðan þá er það ekki endanlegur dómur. Málið verður áfram til meðferðar, hæstv. forseti.
Virðulegur forseti. Ég tel að þessi umræða um gæslu þingskapa hafi verið mjög gagnleg og hafi leitt í ljós að það er bersýnilega meiri hluti á Alþingi fyrir því að þessi sérstöku mál verði tekin til rannsóknar í fjárln. og e.t.v. fleiri nefndum þingsins eftir atvikum. Að vísu tók ég eftir því að einn af talsmönnum Sjálfstfl. í fjárln., hv. 3. þm. Suðurl., talaði um þessi mál með nokkrum öðrum hætti. En ég segi ekki að það þurfi að breyta svo miklu þó Sjálfstfl. sé þversum í þessu máli. Hann er að vísu stjórnarflokkur en ef nýr meiri hluti myndast í fjárln. til að rannsaka mál af þessu tagi þá hefur það sinn gang. Þar og annars staðar hljóta menn að ákveða núna á næstu dögum að halda þeim málum áfram. Ég tel að svör hv. 5. þm. Austurl. hér áðan hafi eftir atvikum verið alveg skýr í þessu efni. Mér er það auðvitað ljóst að hv. þm. Alþfl. eru í þessum málum í mjög þröngri og erfiðri stöðu. Þeir hafa kosið að leita að þessari útleið í þessu efni, m.a. í framhaldi af tilboðum Jóns Baldvins Hannibalssonar, hæstv. utanrrh., í gær þannig að það er ljóst að þó að æðstu prestarnir í hinum helgu véum hafi kveðið upp dóm hér áðan þá er það ekki endanlegur dómur. Málið verður áfram til meðferðar, hæstv. forseti.