Kristinn H. Gunnarsson
:
Virðulegi forseti. Í stefnuyfirlýsingu núv. ríkisstjórnar er kveðið á um að auka beri sjálfstæði ríkisstofnana. Hér sjáum við skilning stjórnarflokkanna á því hvað er aukið sjálfstæði ríkisstofnana. Það er fólgið í því að færa valdið frá stofnuninni og inn í ráðuneytið. Það er fólgið í því að fikra sig í átt til úreltra stjórnarhátta eins og segir í umsögn húsnæðismálastjórnar um stjórnsýslukafla þessa frv.
Það er merkileg niðurstaða að þingmenn Sjálfstfl. skuli velja þá leið að fikra sig til úreltra stjórnarhátta gegn vilja fulltrúa sinna í húsnæðismálastjórn.
Við alþýðubandalagsmenn erum andvígir aukinni miðstýringu. Við segjum nei við þessu frv.
