Umhverfisráðherra (Eiður Guðnason)
:
Virðulegi forseti. Á vegum forsrn. starfar nefnd sem fjallar um flutning ríkisstofnana út á land. Sú nefnd hefur ekki lokið störfum að mér er best kunnugt.
Hér er spurt hvort til álita hafi komið að flytja embætti veiðistjóra út á landsbyggðina. Svarið við því er nei. Það hefur ekki verið til umræðu. Hvað síðar verður skal ég ekki um segja.
Síðan er spurt: ,,Ef svo er, telur ráðherra koma til greina að stofnunin verði flutt til Austurlands?``
Verði embættið flutt frá Reykjavík munu auðvitað allir landshlutar koma til greina, Austurland ekki síður en Vesturland, Norðurland eða Suðurland.
