Heilbrigðisráðherra (Sighvatur Björgvinsson)
(um atkvæðagreiðslu)
:
Virðulegi forseti. Ég ætla aðeins að skýra frá því vegna þeirrar atkvæðagreiðslu sem hér hefur farið fram að í 31. tölul. við brtt. sem við vorum að samþykkja hér áðan er gert ráð fyrir 70 millj. kr. aukningu á framlagi til Framkvæmdasjóðs aldraðra. Það er ekki nóg að gera bara ráð fyrir framlagi til Framkvæmdasjóðsins. Það verður líka að gera ráð fyrir greiðsluheimild úr sjóðnum á því framlagi og það er sú greiðsluheimild sem var verið að veita þarna. En mergurinn málsins er sá að þarna er um að ræða 70 millj. kr. aukningu á framlagi úr ríkissjóði til Framvæmdasjóðs aldraðra sem er sérmerkt í þetta verkefni.
