[14:30]
Guðni Ágústsson (andsvar) :
Hæstv. forseti. Þá liggur það fyrir í þingsögunni að hv. formaður landbn. kaus að standa yfir sundruðu liði, lítilli landbn. í fjórum pörtum, hefur kokgleypt öll sín stóru orð og fallist á það að áfram skuli ríkja réttaróvissa í málefnum landbúnaðarins eins og glöggt kemur fram í áliti félaga hans, hv. þm. Egils Jónssonar. Ég vil eigi að síður spyrja hér hv. þm. hvað hann átti við þegar hann þegar hann var spurður um það í blaðaviðtali 25. febr., með leyfi forseta:
,,Egill var spurður hvort til greina kæmi að fella út umdeildasta ákvæði frv. sem lýtur að GATT. Svar Egils var alveg skýrt: Nei.``
Hvað meinti hann á þessari stundu og hvað fékk hv. þm. til að breyta þessari afstöðu sinni?
