Forseti (Valgerður Sverrisdóttir)
:
Vegna þess sem kom fram í máli hv. 1. þm. Austurl. þá vill forseti að það komi fram að það mun vera rétt að sá samningur sem gerður var á milli Sýnar hf. og Alþingis um útsendingar frá Alþingi hefur nú verið brotinn. Í 4. lið samningsins stendur: ,,Útsendingarnar verða órofnar frá upphafi til loka funda.``
Forseta er kunnugt um það að af hálfu Alþingis hefur verið komið á framfæri mótmælum vegna þessa og hefur á þessari stundu svo sem ekki meira um það að segja.
