[14:01]
Ingibjörg Pálmadóttir :
Virðulegi forseti. Það er greinilegt að það á að þvinga fram þessa sameiningu með Jöfnunarsjóði sveitarfélaga og það kom einnig fram hér áðan og kom fram á fundi í gær að þeim sem ekki sameinast verði refsað vegna þess að tekjujöfnunarframlagið verður lækkað hjá þeim sveitarfélögum og þjónustugjöldin hækkuð hjá þeim sveitarfélögum sem sameinast. Þetta er greinilega á hreinu.
